প্ৰস্ৰাৱৰ ৰঙে দিব পাৰে কিডনীৰ স্বাস্থ্যৰ কিছু ইংগিত

iUKD: কিডনী আৰু মূত্ৰনলীজনিত সমস্যাৰ অত্যাধুনিক চিকিৎসা প্ৰতিষ্ঠান

ডিহাইড্ৰেশ্যন, বিভিন্ন খাদ্য গ্ৰহণ, ঔষধ আদি বিভিন্ন কাৰণত বহু সময়ত প্ৰস্ৰাৱৰ ৰঙৰ পৰিৱৰ্তন হ’ব পাৰে। কিন্তু কোনো স্পষ্ট কাৰণ নোহোৱাকৈ যদি প্ৰস্ৰাৱৰ ৰঙত অস্বাভাৱিক পৰিৱৰ্তন দেখা দিয়ে, তেন্তে সেয়া অৱহেলা নকৰি চিকিৎসকৰ পৰামৰ্শ লোৱা উচিত।

সাধাৰণতে পৰিষ্কাৰ বা পাতল হালধীয়া ৰঙৰ প্ৰস্ৰাৱ শৰীৰত পৰ্যাপ্ত পৰিমাণে পানী থকাৰ ইংগিত দিব পাৰে। আনহাতে, গাঢ় হালধীয়া প্ৰস্ৰাৱ সাধাৰণতে পানীৰ অভাৱ বা ডিহাইড্ৰেশ্যনৰ সৈতে জড়িত হ’ব পাৰে। অৱশ্যে কেৱল প্ৰস্ৰাৱৰ ৰং লক্ষ্য কৰি কিডনীৰ ৰোগ নিৰ্ণয় কৰিব নোৱাৰি। সঠিক কাৰণ জানিবলৈ প্ৰয়োজন অনুসৰি চিকিৎসকৰ পৰামৰ্শ আৰু প্ৰয়োজনীয় পৰীক্ষা কৰাটো অতি গুৰুত্বপূৰ্ণ।

প্ৰস্ৰাৱৰ গোলাপী, ৰঙা বা মুগা ৰং কিছুমান খাদ্যৰ বাবেও হ’ব পাৰে। কিন্তু কেতিয়াবা প্ৰস্ৰাৱত তেজ থকাৰ বাবেও এনে ৰং দেখা দিব পাৰে। কিডনীৰ পাথৰ, মূত্ৰনলীৰ সংক্ৰমণ, কিডনী বা মূত্ৰাশয়ৰ কিছু ৰোগ আদি ইয়াৰ সম্ভাব্য কাৰণ হ’ব পাৰে। সেয়েহে এনে পৰিৱৰ্তন দেখা দিলে চিকিৎসকৰ পৰামৰ্শ লোৱাটো উচিত।

আনহাতে, প্ৰস্ৰাৱ অস্বাভাৱিকভাৱে ফেনযুক্ত বা অধিক বুদবুদযুক্ত হৈ থাকিলে প্ৰস্ৰাৱত প্ৰ’টিনৰ উপস্থিতিৰ সম্ভাৱনা থাকিব পাৰে। কিছুমান ক্ষেত্ৰত ই কিডনীৰ সমস্যাৰ সৈতে জড়িত হ’ব পাৰে। গাঢ় বাদামী বা কোলা ৰঙৰ প্ৰস্ৰাৱো বিভিন্ন কাৰণত হ’ব পাৰে, যেনে ডিহাইড্ৰেশ্যন, কিছুমান ঔষধ বা খাদ্য, সংক্ৰমণ, যকৃতৰ সমস্যা অথবা প্ৰস্ৰাৱত তেজ বা অন্যান্য পদাৰ্থৰ উপস্থিতি। সেয়েহে এনে পৰিৱৰ্তনো অৱহেলা কৰা উচিত নহয়।

কিডনীয়ে শৰীৰৰ পৰা বৰ্জ্য পদাৰ্থ আৰু অতিৰিক্ত তৰল বাহিৰ কৰাত সহায় কৰাৰ লগতে শৰীৰৰ নিমখ, মিনাৰেল আৰু তৰলৰ ভাৰসাম্য ৰক্ষা কৰাত গুৰুত্বপূৰ্ণ ভূমিকা পালন কৰে। কিডনীৰ কাৰ্যক্ষমতা হ্ৰাস পালে শৰীৰত বৰ্জ্য পদাৰ্থ আৰু তৰল জমা হ’ব পাৰে। সেয়ে প্ৰস্ৰাৱৰ ৰঙৰ লগতে প্ৰস্ৰাৱৰ পৰিমাণ, জ্বলা-পোৰা, ব্যথা, ফেন, তেজ, অস্বাভাৱিক গোন্ধ আদি লক্ষণো লক্ষ্য কৰা উচিত।

সামগ্ৰিকভাৱে, প্ৰস্ৰাৱৰ ৰঙৰ পৰিৱৰ্তন মানেই কিডনীৰ ৰোগ নহয়। কিন্তু অস্বাভাৱিক পৰিৱৰ্তন যদি বাৰে বাৰে হয় বা ইয়াৰ সৈতে ব্যথা, জ্বৰ, প্ৰস্ৰাৱত তেজ, প্ৰস্ৰাৱ কমি যোৱা, ফুলি যোৱা আদি লক্ষণ দেখা দিয়ে, তেন্তে শীঘ্ৰে চিকিৎসকৰ পৰামৰ্শ লোৱাটো অত্যন্ত প্ৰয়োজনীয়।

iUKD — কিডনী আৰু মূত্ৰনলীজনিত সমস্যাৰ অত্যাধুনিক চিকিৎসা

অসম তথা উত্তৰ-পূৰ্বাঞ্চলৰ প্ৰথম আৰু একমাত্ৰ তথা ভাৰতৰ পঞ্চমখন ছুপাৰস্পেচিয়েলিটি কিডনী হস্পিটেল হিচাপে iUKD-এ কিডনী আৰু মূত্ৰনলীজনিত বিভিন্ন সমস্যাৰ বাবে অত্যাধুনিক চিকিৎসা সেৱা আগবঢ়াই আহিছে।

iUKDত কিডনীৰ পাথৰ, প্ৰষ্টেট গ্ৰন্থিৰ সমস্যা, কিডনী বিকলতা, পুৰুষ আৰু মহিলাৰ বিভিন্ন প্ৰস্ৰাৱজনিত সমস্যা, ইউৰ’লজিকেল কেঞ্চাৰ—যেনে কিডনী, ইউৰিনেৰি ব্লাডাৰ, যৌনাংগ, অণ্ডকোষ আৰু প্ৰষ্টেটৰ কৰ্কট—আদি বিভিন্ন ৰোগৰ চিকিৎসা সেৱা অভিজ্ঞ ইউৰ’লজিষ্ট আৰু নেফ্ৰ’লজিষ্টৰ দ্বাৰা আগবঢ়োৱা হয়।

ইয়াৰ উপৰি, এতিয়াৰে পৰা প্ৰতিটো শনিবাৰে পুৱা ১০ বজাৰ পৰা দিনৰ ২ বজালৈ iUKDত বিশেষজ্ঞ ডায়েবেটিছ চিকিৎসকৰ পৰামৰ্শ লাভ কৰিব পাৰিব। আনহাতে, অভিজ্ঞ ইউৰ’লজিষ্টৰ দল সপ্তাহৰ প্ৰতিটো দিনতে ২৪ ঘণ্টাই iUKDত উপলব্ধ।

iUKDত কিডনী আৰু ইউৰ’লজী সম্পৰ্কীয় বিভিন্ন ৰোগৰ অত্যাধুনিক চিকিৎসাৰ লগতে অসম তথা উত্তৰ-পূৰ্বাঞ্চলৰ ৰব’টিক ইউৰ’লজিকেল ছাৰ্জাৰী সেৱাৰ জৰিয়তে উন্নত অস্ত্ৰোপচাৰ সেৱাও আগবঢ়োৱা হৈছে।

iUKDৰ মুখ্য পৰিচালন সঞ্চালক তথা মুখ্য ইউৰ’লজি বিশেষজ্ঞ, ‘Laser Man of India’ হিচাপে পৰিচিত ডাঃ অৰূপ কুমাৰ নাথৰ তত্ত্বাৱধানত অভিজ্ঞ ইউৰ’লজিষ্টৰ এটা বিশেষজ্ঞ দলে ৰোগীসকলক নিয়মিত চিকিৎসা সেৱা আগবঢ়াই আহিছে। একেদৰে নেফ্ৰ’লজিষ্টৰ দলেও সপ্তাহৰ প্ৰতিটো দিনতে চিকিৎসা সেৱা প্ৰদান কৰি আহিছে।

আপোনাৰ বা আপোনাৰ পৰিয়ালৰ কোনো সদস্যৰ কিডনী বা প্ৰস্ৰাৱজনিত সমস্যা থাকিলে iUKDৰ সৈতে যোগাযোগ কৰিব পাৰে।

যোগাযোগ: 8011501833, 9864104444
ঠিকনা: Kidney Hospital iUKD, Institute of Urology and Kidney Diseases, Nazirakhat, Sonapur, Guwahati, Assam – ৭৮২৪০২