গৱেষণাত কিটো ডায়েটৰ সম্ভাৱ্য বিপাকীয় উপকাৰৰ ইংগিত, কিন্তু বিশেষজ্ঞৰ পৰামৰ্শ অবিহনে খাদ্যাভ্যাস সলনি নকৰাটো জৰুৰী
প্ৰিডায়েবেটিছ, স্থূলতা আৰু ফেটি লিভাৰৰ সমস্যাই বৰ্তমান সময়ত বহু লোকক আক্ৰান্ত কৰিছে। এনে পৰিস্থিতিত খাদ্যাভ্যাসৰ পৰিৱৰ্তনে ওজন হ্ৰাসৰ লগতে শৰীৰৰ বিপাকীয় স্বাস্থ্য উন্নত কৰাত গুৰুত্বপূৰ্ণ ভূমিকা পালন কৰিব পাৰে। বিশেষকৈ কম কাৰ্বহাইড্ৰেটযুক্ত কিটোজেনিক বা কিটো ডায়েটক লৈ বিভিন্ন গৱেষণাত ইয়াৰ সম্ভাৱ্য উপকাৰিতাৰ বিষয়ে আলোচনা কৰা হৈছে।
‘Cell Metabolism’ জাৰ্নালত প্ৰকাশিত এটা গৱেষণাত স্থূলতা, প্ৰিডায়েবেটিছ আৰু যকৃতত অতিৰিক্ত চৰ্বি থকা ৪২গৰাকী প্ৰাপ্তবয়স্কক লৈ বিভিন্ন খাদ্যাভ্যাসৰ প্ৰভাৱ পৰীক্ষা কৰা হৈছিল। অংশগ্ৰহণকাৰীসকলক ওজন হ্ৰাসৰ বাবে তিনিটা পৃথক খাদ্যাভ্যাস অনুসৰণ কৰিবলৈ দিয়া হৈছিল—কম কাৰ্বহাইড্ৰেটযুক্ত কিটোজেনিক ডায়েট, মেডিটেৰেনিয়ান ডায়েট আৰু কম চৰ্বিযুক্ত প্ৰধানতঃ উদ্ভিদভিত্তিক ডায়েট।
গৱেষণাৰ তথ্য অনুসৰি কিটো ডায়েটত কেলৰিৰ প্ৰায় ৪ শতাংশ কাৰ্বহাইড্ৰেট আৰু ৭৩ শতাংশ চৰ্বিৰ পৰা আহিছিল। মেডিটেৰেনিয়ান ডায়েটত প্ৰায় ৫০ শতাংশ কাৰ্বহাইড্ৰেট আৰু ৩৫ শতাংশ চৰ্বি আছিল। আনহাতে, কম চৰ্বিযুক্ত ডায়েটত প্ৰায় ৭০ শতাংশ কাৰ্বহাইড্ৰেট আৰু ১৫ শতাংশ চৰ্বি আছিল।
তিনিওটা খাদ্যাভ্যাস অনুসৰণ কৰা গোটতে পেশীৰ ইনছুলিন সংবেদনশীলতা প্ৰায় ৫০ শতাংশ বৃদ্ধি পোৱা দেখা গৈছিল। অৰ্থাৎ পেশীয়ে তেজৰ পৰা গ্লুক’জ অধিক দক্ষতাৰে গ্ৰহণ কৰাত সহায় কৰিব পাৰে। অৱশ্যে কিটো ডায়েট অনুসৰণ কৰা গোটত লিভাৰৰ ইনছুলিন সংবেদনশীলতাৰ উন্নতি আন দুটা গোটৰ তুলনাত অধিক আছিল।
গৱেষণাটোত কিটো ডায়েট অনুসৰণ কৰা অংশগ্ৰহণকাৰীৰ লিভাৰত জমা হোৱা চৰ্বি প্ৰায় ৬৭ শতাংশ হ্ৰাস পোৱা দেখা গৈছিল, আনহাতে আন খাদ্যাভ্যাসৰ ক্ষেত্ৰত এই হ্ৰাস প্ৰায় ৪৫ শতাংশ আছিল। লিভাৰত নতুনকৈ চৰ্বি উৎপাদনৰ প্ৰক্ৰিয়া হ্ৰাস পোৱাটো ইয়াৰ এটা সম্ভাৱ্য কাৰণ হিচাপে চিহ্নিত কৰা হৈছিল। লগতে কিটো গোটত গ্লুক’জ আৰু ইনছুলিনৰ মাত্ৰাতো উন্নতি দেখা গৈছিল। গৱেষণাৰ শেষত কিটো গোটৰ প্ৰায় আধা অংশগ্ৰহণকাৰীৰ ক্ষেত্ৰত প্ৰিডায়েবেটিছৰ মানদণ্ড পূৰণ নকৰা অৱস্থা দেখা গৈছিল।
ইয়াৰ পৰা এই ইংগিত পোৱা যায় যে স্থূলতা, প্ৰিডায়েবেটিছ আৰু ফেটি লিভাৰৰ দৰে বিপাকীয় সমস্যাত কেৱল কিমান ওজন কমিছে সেইটোৱেই নহয়, খাদ্যৰ গঠনেও কিছুমান বিপাকীয় ফলাফলত প্ৰভাৱ পেলাব পাৰে। বিশেষকৈ কিটো ডায়েটে লিভাৰৰ চৰ্বি আৰু লিভাৰৰ ইনছুলিন সংবেদনশীলতাৰ ক্ষেত্ৰত উল্লেখযোগ্য উন্নতিৰ সম্ভাৱনা দেখুৱাইছে।
উল্লেখযোগ্য যে এলকহল সেৱন নকৰা লোকৰ ক্ষেত্ৰতো অতিৰিক্ত কেলৰি, ইনছুলিন প্ৰতিৰোধ আৰু অন্যান্য বিপাকীয় কাৰকৰ ফলত লিভাৰত চৰ্বি জমা হ’ব পাৰে। সেয়েহে ফেটি লিভাৰ, প্ৰিডায়েবেটিছ বা ৰক্ত শৰ্কৰাৰ অনিয়ম থকা ব্যক্তিয়ে খাদ্যাভ্যাসৰ ক্ষেত্ৰত বিশেষ সাৱধান হোৱা উচিত।
অৱশ্যে কিটো ডায়েট সকলোৰে বাবে উপযুক্ত বুলি ধৰি লোৱাটো উচিত নহয়। বিশেষকৈ হৃদৰোগৰ আশংকা, অন্যান্য দীৰ্ঘদিনীয়া ৰোগ, কিডনীজনিত সমস্যা অথবা নিয়মীয়াকৈ ঔষধ গ্ৰহণ কৰা ব্যক্তিয়ে চিকিৎসক বা পঞ্জীয়নভুক্ত ডায়েটিচিয়ানৰ পৰামৰ্শ অবিহনে এনে কঠোৰ খাদ্যাভ্যাস আৰম্ভ নকৰাই উত্তম।
ফেটি লিভাৰ আৰু বিপাকীয় সমস্যাৰ সৈতে কিডনী স্বাস্থ্যৰো সম্পৰ্ক থাকিব পাৰে। সেয়েহে কিডনী বা প্ৰস্ৰাৱজনিত কোনো সমস্যা দেখা দিলে সময়মতে ইউৰ’লজিষ্ট বা নেফ্ৰ’লজিষ্টৰ পৰামৰ্শ গ্ৰহণ কৰাটো গুৰুত্বপূৰ্ণ।
কিডনী চিকিৎসাৰ বাবে iUKD
অসম তথা উত্তৰ-পূৰ্বাঞ্চলৰ কিডনী আৰু ইউৰ’লজিকেল চিকিৎসাৰ ক্ষেত্ৰত iUKD—Institute of Urology and Kidney Diseases-এ অত্যাধুনিক চিকিৎসা সেৱা আগবঢ়াই আহিছে। কিডনী ষ্ট’ন, প্ৰষ্টেটৰ সমস্যা, কিডনী বিকল হোৱা, পুৰুষ-মহিলাৰ বিভিন্ন প্ৰস্ৰাৱজনিত সমস্যা আৰু ইউৰ’লজিকেল কেঞ্চাৰকে ধৰি বিভিন্ন কিডনী আৰু ইউৰ’লজিকেল সমস্যাৰ চিকিৎসা ইয়াত উপলব্ধ।
iUKDত অভিজ্ঞ ইউৰ’লজিষ্ট আৰু নেফ্ৰ’লজিষ্টৰ দ্বাৰা সপ্তাহজুৰি চিকিৎসা সেৱা আগবঢ়োৱা হয়। ইয়াৰ উপৰি, শনিবাৰে পুৱা ১০ বজাৰ পৰা দিনৰ ২ বজালৈ বিশেষজ্ঞ ডায়েবেটিছ চিকিৎসকৰ পৰামৰ্শ লাভ কৰিব পাৰি।
অসম তথা উত্তৰ-পূৰ্বাঞ্চলত ইউৰ’লজিকেল ৰব’টিক ছাৰ্জাৰী সেৱাৰ ক্ষেত্ৰতো iUKD-এ বিশেষ স্থান লাভ কৰিছে। মুখ্য পৰিচালন সঞ্চালক তথা মুখ্য ইউৰ’লজি বিশেষজ্ঞ ডাঃ অৰূপ কুমাৰ নাথৰ তত্ত্বাৱধানত বিশেষজ্ঞ ইউৰ’লজিষ্ট আৰু নেফ্ৰ’লজিষ্টৰ দলে ৰোগীসকলক চিকিৎসা সেৱা আগবঢ়াই আহিছে।
যোগাযোগ: ৮০১১৫০১৮৩৩, ৯৮৬৪১০৪৪৪৪
ঠিকনা: Kidney Hospital iUKD, Institute of Urology and Kidney Diseases, Nazirakhat, Sonapur, Guwahati, Assam–৭৮২৪০২।