প্লাষ্টিকৰ টি-বেগত প্ৰস্তুত কৰা চাহ স্বাস্থ্যৰ বাবে কিমান নিৰাপদ ?

গৰম পানীত নিৰ্গত হ’ব পাৰে মাইক্ৰ’প্লাষ্টিক আৰু ক্ষতিকাৰক ৰাসায়নিক পদাৰ্থ

iUKDত অত্যাধুনিক লেজাৰ প্ৰযুক্তিৰে অস্ত্ৰোপচাৰৰ সুবিধা

বৰ্তমান সময়ত মাইক্ৰ’প্লাষ্টিকৰ সংস্পৰ্শৰ পৰা সম্পূৰ্ণৰূপে আঁতৰি থকাটো প্ৰায় অসম্ভৱ হৈ পৰিছে। কৃষিভূমিৰ পৰা আৰম্ভ কৰি খোৱাপানীৰ উৎসলৈকে প্ৰায় সকলোতে মাইক্ৰ’প্লাষ্টিকৰ উপস্থিতি ধৰা পৰিছে। খাদ্য আৰু পানীয়ৰ জৰিয়তেও আমাৰ শৰীৰত এই ক্ষুদ্ৰ প্লাষ্টিক কণাবোৰ প্ৰৱেশ কৰাৰ সম্ভাৱনা বৃদ্ধি পাইছে। আনহাতে, আমাৰ দৈনন্দিন খাদ্যাভ্যাসৰ কিছুমান পদ্ধতিয়েও মাইক্ৰ’প্লাষ্টিকৰ সংস্পৰ্শৰ আশংকা বঢ়াই তুলিছে। ইয়াৰ এক উল্লেখযোগ্য উদাহৰণ হৈছে আমি ব্যৱহাৰ কৰা টি-বেগ।

যদিও বহুতো টি-বেগ ছেলুল’জজাতীয় উপাদানেৰে প্ৰস্তুত কৰা হয়, তথাপি কিছুমান ব্ৰেণ্ডে টি-বেগ তৈয়াৰ কৰিবলৈ প্লাষ্টিকৰ জাল বা অন্যান্য কৃত্ৰিম পলিমাৰ ব্যৱহাৰ কৰে। এইবোৰ গৰম পানীৰ সংস্পৰ্শলৈ আহিলে ভাঙি ক্ষুদ্ৰ প্লাষ্টিক কণা নিৰ্গত কৰিব পাৰে। গৱেষণাত দেখা গৈছে যে এনে টি-বেগৰ পৰা মাইক্ৰ’প্লাষ্টিক আৰু নেন’প্লাষ্টিক কণাৰ লগতে থেলেট এষ্টাৰ আৰু বিচফেনল (BPA)ৰ দৰে প্লাষ্টিক-সম্পৰ্কীয় ৰাসায়নিক পদাৰ্থও চাহৰ সৈতে মিহলি হ’ব পাৰে। এই ৰাসায়নিক পদাৰ্থসমূহ প্লাষ্টিকৰ নমনীয়তা, স্থায়িত্ব আৰু তাপ প্ৰতিৰোধ ক্ষমতা বৃদ্ধিৰ বাবে ব্যৱহাৰ কৰা হয়।

কেতবোৰ গৱেষণাত দেখা গৈছে যে গৰম পানীত টি-বেগ ডুবাই ৰাখিলে তাৰ পৰা কোটি কোটি ক্ষুদ্ৰ প্লাষ্টিক কণা নিৰ্গত হ’ব পাৰে। শেহতীয়াকৈ npj Science of Food নামৰ গৱেষণা আলোচনীত প্ৰকাশিত এক অধ্যয়নত চাৰিটা ভিন্ন ব্ৰেণ্ডৰ প্লাষ্টিকৰ টি-বেগ বিশ্লেষণ কৰি মাইক্ৰ’প্লাষ্টিক নিৰ্গমনৰ পৰিমাণ, কণাবোৰৰ প্ৰকাৰ আৰু প্ৰতিটো কাপ চাহত থকা পলিচাইক্লিক এৰোমেটিক হাইড্ৰ’কাৰ্বন (PAH) তথা বিচফেনল (BPA)ৰ পৰিমাণ নিৰ্ণয় কৰা হৈছিল।

এই গৱেষণাত প্লাষ্টিকৰ টি-বেগেৰে প্ৰস্তুত কৰা চাহৰ সৈতে বেগবিহীন খোলা চাহৰ তুলনামূলক বিশ্লেষণো কৰা হৈছিল। পৰীক্ষাত দেখা গৈছিল যে খোলা চাহৰ প্ৰতি কিলোগ্ৰামত ১৪৬ৰ পৰা ১,১৭৮টা মাইক্ৰ’প্লাষ্টিক কণা পোৱা গৈছিল। অৰ্থাৎ দুই গ্ৰাম চাহপাতত আনুমানিক ০.৩ৰ পৰা ২.৪টা কণা থাকিব পাৰে। এই ফলাফলে সূচায় যে টি-বেগৰ তুলনাত খোলা চাহত মাইক্ৰ’প্লাষ্টিকৰ ঘনত্ব যথেষ্ট কম।

গৱেষণাত খোলা চাহত বিভিন্ন প্ৰকাৰৰ পলিমাৰৰ উপস্থিতিও ধৰা পৰিছিল। ইয়াৰ অন্যতম কাৰণ হিচাপে কৃষিক্ষেত্ৰত প্লাষ্টিকৰ বস্তা আৰু বান্ধনিৰ সামগ্ৰীৰ ব্যৱহাৰ, লগতে বায়ুমণ্ডলৰ পৰা চাহপাতত জমা হোৱা ধূলিকণাক চিনাক্ত কৰা হৈছে। এনে ধূলিকণাত সাধাৰণতে পলিইথিলিন টেৰেফথেলেট (PET) আৰু পলিএমাইড (PA)ৰ আঁহ থাকিব পাৰে।

ইয়াৰ উপৰি চাহপাত প্ৰক্ৰিয়াকৰণৰ সময়ত লোডিং মেচিন, কনভেয়ৰ বেল্ট আৰু ৰোলিং ষ্টেচনৰ দৰে বিভিন্ন প্লাষ্টিকজাতীয় সঁজুলিৰ সংস্পৰ্শলৈ আহে। এই যান্ত্ৰিক সংস্পৰ্শৰ ফলত সঁজুলিসমূহৰ পৰা অতি ক্ষুদ্ৰ প্লাষ্টিক কণা অথবা প্লাষ্টিচাইজাৰ চাহপাতৰ পৃষ্ঠলৈ স্থানান্তৰিত হোৱাৰ সম্ভাৱনা থাকে।

সেয়েহে মাইক্ৰ’প্লাষ্টিকৰ সংস্পৰ্শ কিছু পৰিমাণে হ্ৰাস কৰিবলৈ প্লাষ্টিকমুক্ত বা ছেলুল’জেৰে প্ৰস্তুত কৰা টি-বেগ বাছনি কৰা, সম্ভৱ হ’লে খোলা চাহ ব্যৱহাৰ কৰা আৰু খাদ্যৰ সংস্পৰ্শলৈ অহা প্লাষ্টিকজাতীয় সামগ্ৰীৰ ব্যৱহাৰ সীমিত কৰাটো উপযোগী হ’ব পাৰে।

উল্লেখ্য যে, অসম তথা উত্তৰ-পূৰ্বাঞ্চলৰ অন্যতম আৰু ভাৰতৰ পঞ্চমখন ছুপাৰ স্পেচিয়েলিটি কিডনী হস্পিটেল হিচাপে পৰিচিত iUKD হৈছে কিডনী আৰু প্ৰস্ৰাৱজনিত বিভিন্ন ৰোগৰ উন্নত চিকিৎসাৰ এক বিশেষ প্ৰতিষ্ঠান। ইয়াত কিডনী ষ্ট’ন, প্ৰষ্টেট গ্ৰন্থিৰ সমস্যা, কিডনী বিকল হোৱা, পুৰুষ-মহিলাৰ প্ৰস্ৰাৱজনিত সমস্যা, ইউৰ’লজিকেল কৰ্কট ৰোগ—যেনে কিডনী, ইউৰিনেৰি ব্লাডাৰ, যৌনাংগ, অণ্ডকোষ আৰু প্ৰষ্টেটৰ কৰ্কট ৰোগৰ চিকিৎসাৰ সুবিধা উপলব্ধ। ইয়াৰ উপৰি পুৰুষ আৰু মহিলাৰ বিভিন্ন যৌন সমস্যাৰো চিকিৎসা কৰা হয়।

iUKDত সপ্তাহৰ প্ৰতিটো দিনতে অভিজ্ঞ ইউৰ’লজিষ্ট আৰু নেফ্ৰ’লজিষ্টৰ দ্বাৰা চিকিৎসা সেৱা আগবঢ়োৱা হয়। বিশেষজ্ঞ ইউৰ’লজিষ্টৰ দল ২৪ ঘণ্টাই চিকিৎসালয়খনত উপলব্ধ। কেৱল কিডনী আৰু প্ৰস্ৰাৱতন্ত্ৰৰ ৰোগৰ চিকিৎসাৰ ক্ষেত্ৰত বিশেষভাৱে মনোনিৱেশ কৰা এই প্ৰতিষ্ঠানখনে অত্যাধুনিক চিকিৎসা প্ৰযুক্তিৰ ব্যৱহাৰৰ জৰিয়তে উন্নত চিকিৎসা সেৱা আগবঢ়াই আহিছে।

বিশেষকৈ, অসম তথা উত্তৰ-পূৰ্বাঞ্চলত ইউৰ’লজিকেল ৰব’টিক ছাৰ্জাৰী সেৱা আৰম্ভ কৰি iUKDয়ে ৰাজ্যখনৰ ইউৰ’লজিকেল চিকিৎসাৰ ক্ষেত্ৰত এক উল্লেখযোগ্য স্থান দখল কৰিবলৈ সক্ষম হৈছে। ইয়াৰ উপৰি অত্যাধুনিক লেজাৰ প্ৰযুক্তিৰ সহায়ত বিভিন্ন ইউৰ’লজিকেল সমস্যাৰ অস্ত্ৰোপচাৰৰ ব্যৱস্থাও ইয়াত উপলব্ধ।

উল্লেখ্য যে, iUKDৰ মুখ্য পৰিচালন সঞ্চালক তথা মুখ্য ইউৰ’লজি বিশেষজ্ঞ আৰু ‘লেজাৰমেন অৱ ইণ্ডিয়া’ হিচাপে পৰিচিত ডাঃ অৰূপ কুমাৰ নাথৰ তত্ত্বাৱধানত অভিজ্ঞ ইউৰ’লজিষ্টৰ এটা বিশেষজ্ঞ দলে প্ৰতিদিনে ৰোগীসকলক চিকিৎসা সেৱা আগবঢ়াই আহিছে। একেদৰে নেফ্ৰ’লজিষ্টৰ বিশেষজ্ঞ দলেও সপ্তাহৰ প্ৰতিটো দিনতে ৰোগীৰ চিকিৎসাৰ দায়িত্ব পালন কৰি আহিছে।

কিডনী বা প্ৰস্ৰাৱজনিত যিকোনো সমস্যাত ভুগিলে উন্নত চিকিৎসাৰ বাবে কিডনী হস্পিটেল iUKDৰ সৈতে যোগাযোগ কৰিব পাৰে।

যোগাযোগৰ নম্বৰ: ৮০১১৫০১৮৩৩, ৯৮৬৪১০৪৪৪৪

ঠিকনা: Kidney Hospital iUKD, Institute of Urology and Kidney Diseases, Nazirakhat, Sonapur, Guwahati, Assam – 782402।